Sotib olinadigan tovar xomashyo global miqyosda muhim bo‘lgan mahsulotlar bo‘lib, ular global savdoga sezilarli ta’sir ko‘rsatadi. Ular atrof-muhitdan juda katta miqdorda yetishtiriladi, yig‘ib olinadi yoki qazib olinadi va odatda boshqa mahsulotlar hamda xizmatlar ishlab chiqarishida qo‘llanadi.
Investorlar savdo qiladigan mashhur tovar xomashyo turlari quyidagilarni o‘z ichiga oladi:
- Neft
- Tabiiy gaz
- Oltin
- Kumush
- Bug‘doy
- Qahva
- Shakar
Sotib olinadigan tovarlar sifatida ushbu xomashyo birjalarda hajm, vazn yoki boshqa qandaydir o‘lchov birligi uchun muayyan qiymat ko‘rinishida kotirovka qilinadi. Tovar xomashyo narxi ko‘plab omillar bo‘yicha o‘zgarib turadi: jumladan, kelajakdagi talab yoki taklif prognozlaridagi o‘zgarishlar, geosiyosiy masalalar, mavsumiy va ob-havo sharoitlari, bozor risk kayfiyati va boshqa ko‘plab sabablar. Har bir omilning ahamiyati muayyan xomashyoning o‘ziga qarab o‘zgaradi.
Investorlar real jismoniy tovar xomashyoni sotib olish yoki sotish huquqini beradigan shartnomalarni, shuningdek CFD kabi derivativlarni (farq bo‘yicha shartnoma) sotib olishlari mumkin. Bunday instrumentlar xomashyo narxlarining o‘zgarishidan ta’sirlanish imkonini beradi, biroq tovarlarni jismonan qabul qilish, tashish va saqlash majburiyati bo‘lmaydi.
Siz tovar CFD sini sotib olganingizda, tovar narxi oshishini kutyapsiz. Aksincha, tovar CFD sini sotganingizda, tovar narxi kamayishini kutyapsiz.
Tovar xomashyoni ikki xil usulda tasniflash mumkin. Ularni “Energiya”, “metallar” va “qishloq xo‘jaligi” kabi toifalarga ajratish mumkin yoki “qattiq” va “yumshoq” ko‘rinishida tasniflanishi mumkin.
